Nyehela

Leano la Boikunuto

Selelekela:

Boikunuto ba hao bohlokwa. Ho amandla.mobi, re ikemiseditse ka botlalo ho sireletsa tlhahisoleseding ya botho eo o fanang ka yona ka ho nka karolo ha hao matsholong a rona le mosebetsing wa ho thea mekgatlo. Re hlokomela boikarabelo ba rona tlasa Molao wa Tshireletso ya Tlhahisoleseding ya Botho wa 4 wa 2013 (“POPIA”), mme re ikemiseditse ho netefatsa hore tlhahisoleseding ya botho ya hao e bokellwa le ho sebediswa ka mokgwa o motle, o molaong le o bonaletsang. 

Kgubung ya boitlamo ba rona ba ho sireletsa boikunuto ba hao, re itlama hore re keke ra rekisa tlhahisoleseding ya botho ya hao.

Leano lena le hlalosa kamoo re fumanang, re sebedisang le ho phatlalatsa tlhahisoleseding ya botho ya hao kateng, ho latela ditlhoko tsa POPIA, le boitlamo ba rona ba boikunuto.

Leanong lena, moo ho buuwang ka “amandla.mobi”, “re” kapa “rona” ho buuwa ka “amandla.mobi”, mokgatlo o sa etseng phaello o tshehetsang mokgatlo o holang o etelletsweng pele ke basadi ba Batsho ba fumanang meputso e tlase ba fetisetsang matla ho Afrika Borwa e nang le toka le tekatekano.

Lebaka le ka sehloohong leo re bokellang tlhahisoleseding ya botho:

amandla.mobi e teng ho dumella mang kapa mang ho etsa hore lentswe la hae le utluwe ka diketso tsa letsholo, tse kenyelletsang mangolo a ditletlebo, ditshwaelo tsa setjhaba, boipelaetso kapa diketso tse ding tsa baahi. Letsholo ka leng le buisana le baetsi ba diqeto maemong a matla ka ditlhoko tsa letsholo. Ho bontsha tshehetso ya letsholo ke setjhaba, re ka hlokeha ho isa lebitso la hao ho ba etsang diqeto. Dintho di ngata tseo o ka di etsang le amandla.mobi, re kopa hore o fane ka tlhahisoleseding e bohlokwa mabapi le sepheo sa matsholo a rona, jwalo ka lebitso la hao, imeile, nomoro ya selefouno le provense. Sena ha se re thuse feela ho netefatsa boitsebiso ba hao empa hape le ho etsa mesebetsi e hlokahalang ho tsamaisa matsholo ka nepo, mokgatlo wa rona, le ho phethahatsa sepheo sa mantlha sa amandla.mobi.

Re tla hlakola tlhahisoleseding ya botho ya hao kamora hore letsholo le fele ntle le haeba o dumela ho fumana mangolo ho tswa ho amandla.mobi ho imeile ya hao le nomorong ya selefouno kapa moo molao o hlokang hore re boloke tlhahisoleseding nako e telele. O ka itokolla (wa tswa) ka nako efe kapa efe ka ho tobetsa konopo ya ho itokolla ho diimeileng tsa rona kapa ka ho araba STOP ho melaetsa ya nomoro ya hao ya selefouno. Dikarolo tse ka tlase tsa leano la boikunuto di fana ka dintlha tse ding mabapi le kamoo re fumanang, re sebedisang le ho phatlalatsa ditaba tsa hao kateng.

Re bomang:

E theilwe hodima tumelo ya hore selefouno e nngwe le e nngwe e ka ba sesebediswa sa ho aha demokrasi, amandla.mobi ke mokgatlo o ntseng o hola o etelletsweng pele ke basadi ba Batsho ba fumanang le meputso e tlase ba fetisetsang matla ho Afrika Borwa e nang le toka le tekatekano.

Tlhahisoleseding ya botho le tlhahisoleseding ya botho e kgethehileng ke eng:

Tlhahisoleseding ya Botho, ho ya ka POPIA, e bolela tlhahisoleseding e amanang le motho ya hlwaehang, ya phelang, wa tlhaho, mme moo e sebetsang, mokgatlo o hlwaehang o teng, ho kenyelletswa, empa ho sa fellwe ho –

  1. Tlhahisoleseding e amanang le morabe, boitlhaloso ba bong, bong, boimana, boemo ba lenyalo, sethatho sa naha, morabe kapa setjhaba, mmala, tshekamelo ya thobalano, dilemo, bophelo bo botle mmeleng kapa kelellong, paballeho, ho se itekanele, bodumedi, letswalo, tumelo, botjhaba, puo le tswalo ya motho;
  2. Tlhahisoleseding e amanang le thuto kapa nalane ya bongaka, ya ditjhelete, ya bosenyi, kapa ya mosebetsi ya motho;
  3. Nomoro efe kapa efe e kgethollang, letshwao, aterese ya imeile, nomoro ya mohala, tlhahisoleseding ya sebaka, sesupo sa inthaneteng, kapa kabelo e nngwe e itseng ho motho eo;
  4. Tlhahisoleseding ya makgetha a botho ya motho;
  5. Maikutlo a motho, dipono, kapa dikgetho tsa motho;
  6. Mangolo a rometsweng ke motho a tla senola ditaba tsa mangolo a pele;
  7. Dipono kapa maikutlo a motho e mong ka motho eo; le
  8. Lebitso la motho haeba le hlahella le tlhahisoleseding e nngwe ya botho e amanang le motho eo kapa haeba phatlalatso ya lebitso leo ka boyona e ka senola tlhahisoleseding ka motho eo.

Ho ya ka POPIA, mabaka ao re tshetlehang tshebetso ya rona ho wona a na le tse latelang:

○          O dumetse hona, kapa ha o le ngwana, motswadi kapa mohlokomedi wa hao o fane ka tumello lebitsong la hao;

○          Tshebetso ena e a hlokahala ho etsa dintho bakeng sa ho phethela kapa ho phethahatsa mosebetsi wa rona oo monga datha e leng karolo ya wona;

○          Tshebetso ena e tsamaellana le tlameho e beilweng ke molao ho mokgatlo;

○          Tshebetso ena e sireletsa thahasello e nepahetseng ya monga datha;

○          Tshebetso ena e a hlokahala bakeng sa tshebetso e tshwanetseng ya mosebetsi wa molao wa setjhaba ke mokgatlo; kapa

○          Tshebetso ena e a hlokahala bakeng sa ho latela dithahasello tse nepahetseng tsa mokgatlo kapa motho e mong eo tlhahisoleseding e fuweng yena.

Tlhahisoleseding tse kgethehileng ya botho e bolela dihlopha tse latelang tsa tlhahisoleseding:

○          Ditumelo tsa bodumedi le tsa filosofi;

○          Mmala;

○          Tshimoloho ya morabe;

○          Botho ba yuniono;

○          Ditumelo tsa dipolotiki;

○          Bophelo bo botle ho kenyelletswa bophelo bo botle ba mmele kapa kelello, ho se itekanele, le nalane ya bongaka;

○          Tlhahisoleseding ya makgetha a botho a motho;

○          Boitshwaro ba bosenyi moo bo amanang le ho qoswa ka tlolo efe kapa efe ya molao kapa dinyewe tse amanang le tlolo eo ya molao.

Re tla sebetsana le tlhahisoleseding ya botho e kgethehileng maemong a latelang:

○          O dumelletse ho sebetswa ha yona (maemong ao ho ona re tlamehileng ka molao ho fumana tumello ya hao); kapa

○          Ho a hlokahala ho sebedisa kapa ho sireletsa tokelo kapa tlameho molaong; kapa

○          Ho a hlokahala ho ikamahanya le tlameho ya molao ya matjhaba ya thahasello ya setjhaba; kapa

○          Ke bakeng sa merero e itseng ya nalane, dipatlisiso, kapa dipalopalo tse kekeng tsa ama sephiri sa hao hampe; kapa

○          O phatlaladitse tlhahisoleseding ya botho ya hao ka boomo.

Mofuta wa tlhahisoleseding ya botho eo re e bokellang, le kamoo re sebedisang tlhahisoleseding ya botho ya hao kateng:

Lethathamo le ka tlase ha se lethathamo le felletseng, empa le fana ka tlhahisoleseding e tlwaelehileng eo re lokelang ho e fumana ho wena, basebedisi ba rona, ho tswa ho bafumantshi kapa bafani ba ditshebeletso ba rona, hammoho le ho tswa ho basebetsi ba rona, hore re etse seo re hlokang ho se etsa.

  1. Basebedisi

Re hloka tlhahisoleseding ya botho ya hao:

  • Bakeng sa sepheo sa matsholo a rona a ho buisana le ba nkang diqeto;
  • Ho o fa ditshebeletso tsa rona;
  • Bakeng sa ho ikamahanya le molao le taolo;
  • Ho buisana le wena le ho o romella ditokomane le ditlaleho tse hlokahalang, jj;
  • Ho o fihlela bakeng sa puisano e amanang le ditshebeletso;
  • Ho netefatsa boitsebiso ba hao;
  • Ho fihlela ditlhoko tsa rona tsa tshebetso;
  • Ho boloka direkoto tse nepahetseng le ho etsa dioditi tsa ka hare.

Dintlha tsa Datha ya Basebedisi:

Dintlha tsa ho ikopanya, tse kang:

  • Lebitso le fane tsa hao;
  • Imeile, aterese ya poso le/kapa ya sebaka;
  • Dinomoro tsa ho ikopanya (mohala le/kapa selefouno);
  • Provense eo o dulang ho yona, e le hore haeba re etsa letsholo provenseng ya hao, re o tsebise.
  1. Bafumantshi/Bafani ba ditshebeletso

Re hloka tlhahisoleseding ya botho ya hao:

  • Ho sheba botjha diqotso;
  • Ho sebetsana le ditaelo tsa theko;
  • Bakeng sa ho reka ditshebeletso;
  • Bakeng sa merero ya puisano;
  • Ho tseba le ho kgetholla kgwebo ya hao;
  • Bakeng sa ho ikamahanya le molao le taolo;
  • Bakeng sa merero e amanang le lekgetho;
  • Bakeng sa merero ya tefo.
  • Ho fihlela ditlhoko tsa rona tsa tshebetso;
  • Ho boloka direkoto tse nepahetseng le ho etsa dioditi tsa ka hare.

Dintlha tsa Datha tsa Bafumantshi/Bafani ba Ditshebeletso:

Ho hlwaya tlhahisoleseding, e kang:

  • Lebitso la Mokgatlo le kgwebisano e le lebitso kapa Lebitso le Fane tsa Motho;
  • Nomoro ya ngodiso ya mokgatlo kapa nomoro ya boitsebiso ya Motho;

Dintlha tsa ho ikopanya, tse kang:

  • Aterese ya imeile, poso le/kapa sebaka;
  • Dinomoro tsa ho ikopanya (mohala le/kapa selefouno);

Tlhahisoleseding ya tshebetso, e kang:

  • Dintlha tsa banka;
  • Dintlha tsa motho tsa ho ikopanya;
  • Boemo ba motho eo ho kopanwang le yena;
  • Dinomoro tsa VAT;
  • Dintlha tse hlokahalang tsa invoese.
  1. Basebetsi/Bao e ka bang Basebetsi kapa Bomphato ba Bathaothi

Re hloka tlhahisoleseding ya hao bakeng sa:

     3.1 Basebetsi ba ka bang teng:

  • Ho nolofatsa tshebetso ya kgiro le ho fumana tshwaneleho bakeng sa mosebetsi;
  • Ho netefatsa boitsebiso ba hao, ho lokeleha ho sebetsa, nalane ya bosenyi le/kapa ya thuto;
  • Ho tsebisa sephetho sa tshebetso ya kopo ya hao.

     3.2 Basebetsi:

  • Bakeng sa merero ya konteraka ya mosebetsi;
  • Ho o lefa;
  • Bakeng sa merero e amanang le boikamahanyo le molao, jwalo ka tekatekano mosebetsing, BEE, le melao e amanang le basebetsi;
  • Bakeng sa merero e amanang le lekgetho;
  • Ho buisana le wena ka merero e amanang le mosebetsi;
  • Ho buisana le beng ka wena maemong a tshohanyetso;
  • Bakeng sa ho kenyelletsa le ho phapano;
  • Bakeng sa thuto e tswelang pele le ntlafatso ya bokgoni;
  • Bakeng sa ho rupella le ho fana ka tataiso;
  • Bakeng sa merero e amanang le basebetsi e kang matsatsi a phomolo, kgalemelo, ho se kgone ho sebetsa kapa merero e hlokahalang ya tshebetso.
  • Bakeng sa merero e hlokahalang ya phano ya ditshebeletso, e kang ho o bea ho bareki ba rona, jj.

     3.3 Bomphato ba Bathaothi kapa Batho ba Lebelletsweng ho ba Bomphato ba Bathaothi

  • Ho nolofatsa tshebetso ya kgetho le kgiro ho tseba hore na o a tshwaneleha bakeng sa Bomphato ba Bathaothi;
  • Ho netefatsa boitsebiso ba hao, ho tshwaneleha bakeng sa Bomphato ba Bathaothi;
  • Ho buisana ka sephetho sa mokgahlelo ka mong wa tshebetso ya kgetho;
  • Bakeng sa konteraka ya Bomphato ba Bathaothi;
  • Ho lefa moputso wa hao;
  • Bakeng sa boikamahanyo le molao, ho kenyelletswa moo ho loketseng, merero e amanang le lekgetho.

Basebetsi kapa Bomphato/Basebetsi ba lebelletsweng kapa Dintlha tsa Datha tsa Basebetsi:

 Ho tseba tlhahisoleseding, e kang:

  • Lebitso le fane ka botlalo;
  • Dinomoro tsa Boitsebiso/Phasepoto/Visa ya Mosebetsi/Botshabelo;
  • Nomoro ya mosebetsi.
  • Letsatsi la tswalo;
  • Bong;

Dintlha tsa ho ikopanya, tse kang:

  • Dinomoro tsa ho ikopanya (dinomoro tsa mohala le/kapa selefouno);
  • Aterese ya imeile, sebaka le/kapa ya poso;

Dintlha tsa ho ikopanya tsa tshohanyetso, tse kang:

  • Lebitso le Fane tse felletseng tsa motho eo ho ikopanngwang le yena maemong a tshohanyetso;
  • Kamano le motho wa maemo a tshohanyetso;
  • Dinomoro tsa ho ikopanya (dinomoro tsa mohala le/kapa selefouno);

Dintlha tsa moputso, tse kang:

  • Dintlha tsa banka;

 Dintlha tsa nalane, tse kang:

  • Nalane ya Diphihlelo;
  • Puo e buuwang le e ngotsweng;
  • Ditshwaneleho tsa thuto;
  • Nalane ya bosenyi;
  • Tlhahisoleseding ya Kgwebisano;
  • Boiphihlelo ba mosebetsi le nalane ya mosebetsi;
  • Mofuta wa botho / diteko tsa Bokgoni ba Kelello;

Tlhahisoleseding e hlokwang ke molao, e kang:

  • Mmala / morabe;
  • Ho se itekanele;
  • Mosebetsi, bokgoni, le dintlha tse amanang le tsona
  • Tlhahisoleseding e amanang le lekgetho;

Pokello ya tlhahisoleseding ka “Difaele tsa kgopotso”

Tlhahisoleseding le datha tsa hao di ka bokellwa ka botsona ka tshebetso e tlwaelehileng ya diseva tsa inthanete le ka “difaele tsa kgopotso”. “Difaele tsa kgopotso” ke difaele tse nyane tse ngotsweng tseo websaete e ka di sebedisang ho lemoha basebedisi ba phetaphetang, ho nolofatsa mosebedisi ho fumana le ho sebedisa websaete le ho dumella websaete hore e latele boitshwaro ba tshebediso le ho bokella dintlha tse tla dumella dintlafatso tsa ditaba le papatso e tobileng. Difaele tsa kgopotso ha se mananeo a tlang ho tsamaiso ya hao le ho senya difaele.

Ka kakaretso, difaele tsa kgopotso di sebetsa ka ho o fa nomoro e ikgethang e se nang moelelo ka ntle ho sebaka seo o se abetsweng. Haeba o sa batle tlhahisoleseding e bokelletsweng ka tshebediso ya difaele tsa kgopotso, ho na le mokgwa o bonolo ho dibatli tse ngata o o dumellang ho hana kapa ho amohela sebopeho sa faele ya kgopotso; leha ho le jwalo, o lokela ho hlokomela hore difaele tsa kgopotso di ka hlokahala ho o fa dibopeho tse itseng (mohlala, ho fana ka tlhahisoleseding e hlophisitsweng) e fumanehang websaeteng ya rona.

Mokgwa wa ho fumana tlhahisoleseding ya botho ya hao le hore re e sebedisetsa eng:

Re tla sebedisa tlhahisoleseding ya botho ya hao bakeng sa merero eo e bokelletsweng yona le e dumellanweng le wena. Ho eketsa moo, moo ho hlokehang, tlhahisoleseding ya botho ya hao e ka bolokwa bakeng sa merero ya molao kapa ho ntlafatsa boiphihlelo ba mosebedisi.

Re ka boela ra bokella tlhahisoleseding ya botho ya hao bakeng sa merero e latelang:

  • Ho bokella tlhahisoleseding ya ho ikopanya;
  • Ho tiisa le ho netefatsa boitsebiso ba hao kapa ho netefatsa hore o mosebedisi ya dumelletsweng bakeng sa mabaka a tshireletso;
  • Bakeng sa ho lemoha le ho thibela bomenemene, bosenyi, ho hlatswa tjhelete kapa ketso e nngwe e mpe;
  • Ho etsa dipatlisiso tsa kgotsofalo ya mmaraka kapa basebedisi kapa bakeng sa manollo ya dipalopalo;
  • Bakeng sa merero ya oditi le ho boloka direkoto;
  • Mabapi le tsamaiso ya molao;
  • Bakeng sa merero ya oditi le ho poloko ya direkoto tsa ditjhelete;
  • Bakeng sa merero ya ho fana ka ditshebeletso.

Re ka bokella kapa ra fumana tlhahisoleseding ya botho ka wena:

  • ka kotloloho ho tswa ho wena;
  • nakong ya dipuisano tsa rona le wena;
  • ha o etela le/kapa o sebedisa websaete ya rona kapa sethala sefe kapa sefe sa ditaba sa setjhaba kapa ditshebeletso tsa IT;
  • ho tswa ho motho e mong ya dumelletsweng ho fana ka tlhahisoleseding eo;
  • ka selefouno kapa softewe e nngwe e etseditsweng, kapa e sebediswang ke amandla.mobi.

Re ka fana ka tlhahisoleseding ena ho:

Re ka hira dikhamphani tse ding le batho ho tsamaisa tshebeletso ya rona ho fana ka tshebeletso lebitsong la rona, ho etsa ditshebeletso tse amanang le tshebeletso, ho fana ka tshireletso le meralotheo ya IT, ho re thusa ho etsa mosebetsi wa rona wa mokgatlo kapa ho re thusa ho hlahloba hore tshebeletso ya rona e sebediswa jwang.

Dikhamphani tse ding kapa batho ba bang ba ka ba le phihlello ya tlhahisoleseding ya botho ya hao, empa feela ho re etsetsa mesebetsi ena mme ba tlamehile ho se senole kapa ho e sebedisa morerong ofe kapa ofe o mong. Re ananela tlhahisoleseding ya botho ya hao mme bafani ba ditshebeletso ba rona ba kgethwa ka hloko ho netefatsa hore ba ikamahanya le mekgwa ya tshireletso le mehato ya setekgeniki mabapi le tlhahisoleseding ya botho ya hao.

Jwaloka mosebetsi, ho ka hlokahala hore re fane ka tlhahisoleseding ya botho ya hao ho bafani ba ditshebeletso kapa balekane ba ananetsweng. Ho eketsa moo, hobane ho na le dinako tseo re ka buisanang le basebedisi dibakeng tse fapaneng, re ka hloka ho fana ka tlhahisoleseding ya botho ya hao ho basebedisi ho phethahatsa boitlamo ba rona ba ditshebeletso ho bona.

Re ka boela ra sebedisa bafani ba ditshebeletso ba bang ho bea leihlo le ho manolla tshebediso ya tshebeletso ya rona.

Re ka boela ra pepesa tlhahisoleseding ya botho ya hao:

  • Moo re nang le mosebetsi kapa tokelo ya ho pepesa ho latela molao kapa dikhoutu tsa indasteri;
  • Moo re dumelang hore ho a hlokahala ho sireletsa ditokelo tsa rona.
  • Re ka hloka ho fana ka tlhahisoleseding ya botho ya hao ha re dumela hore e a hlokahala ka molao, tshebetso ya molao kapa ho thusa ho sireletsa ditokelo le polokeho ya hao, rona, kapa ba bang. Re leka ho tsebisa ditho ka ditlhoko tsa molao tsa datha ya tsona ha ho loketse ho ya ka maikutlo a rona ntle le ha re thibetswe ke molao kapa taelo ya lekgotla la dinyewe kapa ha kopo e le ya tshohanyetso. Re ka hanyetsa ditlhoko tse jwalo ha re dumela, ka boikgethelo ba rona, hore dikopo di fetelletse, ha di utlwahale, kapa ha di na matla a loketseng, empa ha re tshepise ho phephetsa tlhoko e nngwe le e nngwe.

Re boloka tlhahisoleseding ya botho ya hao jwang:

Tlhahisoleseding ya hao e bolokwa ka mokgwa o sireletsehileng:

Re tlamehile ka molao ho fana ka tshireletso e lekaneng bakeng sa tlhahisoleseding ya botho eo re nang le yona le ho thibela phihlello le tshebediso ya tlhahisoleseding ya botho ya hao ntle le tumello. Re tla tswela pele ho sheba botjha ditaolo tsa rona tsa tshireletso le ditshebetso tse amanang le tsona ho netefatsa hore tlhahisoleseding ya botho ya hao di dula e sireletsehile.

Maano a rona ya tshireletso le mekgwatsamaiso a kenyelletsa:

  • Tshireletso ya seqo;
  • Tshireletso ya khompiyutha le marangrang;
  • Phihlello ya tlhahisoleseding ya botho;
  • Dipuisano tse sireletsehileng;
  • Tshireletseho ha ho etswa dikonteraka tsa mesebetsi kapa tsa ditshebetso;
  • Ho boloka le ho lahla tlhahisoleseding;
  • Tshebediso e amohelehang ya tlhahisoleseding ya botho;
  • Ditaba tsa puso le taolo;
  • Ho bea leihlo phihlello le tshebediso ya tlhahisoleseding ya sephiri;
  • Ho batlisisa le ho arabela diketsahalo tsa tshireletso.

Ha re etsa dikonteraka le batho ba bang, re bea boikarabelo ba ditlameho tse tshwanetseng tsa tshireletso, sephiri le lekunutu, ntle le tumellano le ba bang tse sireletsang tlhahisoleseding ya botho, ho netefatsa hore tlhahisoleseding ya botho eo re dulang re ikarabela ho yona, e dula e sireletsehile.

Tshebetso ya tlhahisoleding ya botho ya bana:

 Websaete ya amandla.mobi le dikanale tsa diselefouno ke tsa basebedisi ba dilemo tse 13 ho ya hodimo.

 Websaete ya rona ha e a rerelwa bana ba ka tlase ho dilemo tse 13, mme re keke ra bokella, ra sebedisa, ra fana kapa ra sebetsana le tlhahisoleseding efe kapa efe ya botho ya bana ba ka tlase ho dilemo tse 13 ka boomo.

Kahoo, re boetse re o kopa, haeba o le ka tlase ho dilemo tse 13, ka kopo o se ke wa re romella tlhahisoleseding ya botho ya hao (mohlala, lebitso la hao, aterese le aterese ya imeile). Haeba o le dilemo tse ka tlase ho 13 empa leha ho le jwalo o lakatsa ho botsa potso kapa ho sebedisa websaete ena ka tsela efe kapa efe e hlokang hore o fane ka tlhahisoleseding ya botho ya hao, o kotjwa ho kopa motswadi kapa mohlokomedi wa hao hore a o etsetse jwalo.

Phihlello ya tlhahisoleseding ya botho e fetang matla a rona:

 Ho na le maemo a sa tlwaelehang moo setho sa lelapa se nang le maikemisetso a matle, motswalle kapa mosebetsimmoho a ka kenyang lebitso la hao, aterese ya imeile le/kapa nomoro ya selefouno websaeteng ya rona, ntle le tumello ya hao. Diketso tse jwalo di ka hodimo ho matla a rona, kaha ha re kgone ho netefatsa hore ke wena ya kentseng tlhahisoleseding ya botho ya hao.

Afrika Borwa, ho tlwaelehile hore marangrang a diselefouno a sebedise dinomoro tsa diselefouno tse seng di sa sebediswe ka nako e itseng hape. Maemong a sa tlwaelehang, se ka etsahalang ke hore o fumane molaetsa nomorong ya hao ya selefouno ho tswa ho amandla.mobi, ntle le ho fana ka nomoro ya hao ya selefouno ho amandla.mobi le ho kgetha ho fumana melaetsa. Hangata, sena ke hobane nomoro ya hao ya mohala e ne e sebediswa ke motho e mong pele, pele e sebediswa hape mme marangrang a hao a fana ka nomoro eo ya selefouno ho wena. Diketso tse jwalo di ka hodimo ho matla a rona, kaha ha re tsebiswe ke marangrang a diselefouno ha dinomoro tsa mohala di sebediswa hape.

Haeba o sa batle ho fumana tlhahisoleseding e nngwe ho tswa ho amandla.mobi, re o kgothaletsa ho tswa ho dikgokahano.

Poloko ya datha le ditokelo tsa hao tsa boikunuto le ditlameho:

Re boloka boholo ba tlhahisoleseding ya botho ya hao ha re ntse re na le morero, re hloka ho o fa ditshebeletso kapa moo re tlamehileng ho etsa jwalo ka molao. Re tla boela re boloka tlhahisoleseding ya botho ya hao moo o re dumelletseng hore re etse jwalo, kapa o fane ka tumello ya hore re dumelletswe ho etsa jwalo.

Ho ka hlokahala hore re boloke e nngwe ya tlhahisoleseding ya botho ya hao le kamora hore matsholo a rona a fele, haeba ho hlokahala hore re ikobele boikarabelo ba rona ba molao, ho finyella ditlhoko tsa taolo, ho rarolla diqabang, ho boloka tshireletseho, ho thibela bomenemene le tlhekefetso, ho qobella ditumellano tse ding tsa basebedisi, kapa ra phethahatsa kopo ya hao ya ho hanyetsa ho sebetswa le tlhahisoleseding ya botho ya hao.

O na le ditokelo mabapi le tlhahisoleseding ya botho ya hao. O na le dikgetho tse ngata mabapi le kamoo tlhahisoleseding ya botho ya hao e bokellwang, e sebediswang le ho fanwa kateng.

Maemong a mang, ka molao, o na le tokelo ya ho:

  • Kopa ho fumana tlhahisoleseding ya botho ya hao: O na le tokelo ya ho fihlella tlhahisoleseding ya botho ya hao ka ho romela kopo e ngotsweng ho [email protected] e beilweng leihlo ke ofisiri ya tlhahisoleseding. Ho na le ditokollo tse itseng, ho bolelang hore ha se ka dinako tsohle o ka fumanang tlhahisoleseding eo re e sebetsang. Ha re ka o fa khopi, e ka etswa ka tefiso e itseng, eo hape o tla e tsebiswa ka nako ya potso ya hao.
  • Fetola kapa o lokise tlhahisoleseding: O na le tokelo ya ho kopa ho lokisa kapa ho tlatselletsa tlhahisoleseding efe kapa efe ya hao ya botho eo e ka bang e siilwe ke nako, e fetohile kapa moo e sa nepahalang. Re tla itlama ho hlokomela dintlafatso tse hlokahalang kapele kamoo ho ka kgonehang.
  • Hlakola tlhahisoleseding: O ka re kopa ho senya, ho hlakola, kapa ho tlosa tlhahisoleseding ya botho ya hao tlasa maemo a itseng. Ofisiri ya Tlhahisoleseding, Paul Mason, o tla sekaseka kopo ya hao ho latela melao efe kapa efe, melawana, kapa dintlha tse thibelang ho senngwa ha datha ya hao ya botho.
  • Hanyetsa tshebetso: O ka etsa sena moo re itshetlehileng ka dithahasello tsa hao tse amohelehang, thahasello ya setjhaba, kapa thahasello ya rona e amohelehang (kapa tsa motho e mong) mme ho na le ho hong ka boemo ba hao ho etsang hore o batle ho hanyetsa ho sebetswa ha tlhahisoleseding ka lebaka lena. O boetse o na le tokelo ya ho hana moo re sebetsanang le datha ya hao molemong wa ho bapatsa ka kotloloho kapa moo o faneng ka tumello ya tshebetso e itseng mme o batla ho hula tumello ya hao. Ho hula tumello ya hao ha ho etse hore tlhahisoleseding eo re e sebeditseng ka molao nakong eo o re fileng tumello ya ho etsa jwalo e fosahale.
  • Kopa thibelo ya tshebetso: O ka re kopa ho emisa tshebetso ya datha ya hao ya botho, mohlala, haeba o batla hore re tsebe ho nepahala ha yona kapa lebaka la ho e sebetsa.

O kotjwa ho ikopanya le rona ho [email protected] haeba o lakatsa ho etsa kopo.

Diphetoho tsebisong ya rona ya boikunuto:

Diphetoho ho tsebiso ya boikunuto di sebetsa tshebedisong ya hao ya ditshebeletso tsa rona. Re ka fetola tsebiso ena ya boikunuto nako le nako, jwalo ka ha ho hlokwa ke diphetoho tsa molao. Ha diphetoho tse kgolo di etswa, re tla fana ka tsebiso ka ditshebeletso tsa rona, kapa ka mekgwa e meng, ho o fa monyetla wa ho sheba botjha diphetoho pele di sebetsa.

O ananela hore tshebediso ya hao e tswelang pele ya ditshebeletso tsa rona kamora hore re phatlalatse diphetoho tsa rona tsebisong ena ya boikunuto ho bolela hore pokello, tshebediso, le phano ya tlhahisoleseding ya botho ya hao di ipapisitse le tsebiso e ntlafaditsweng ya boikunuto.

Tlhahisoleseding e nngwe ya bohlokwa:

Tshireletso:

Re beile mehato e tshwanetseng ya tshireletso ho thibela datha ya hao hore e se ke ya lahleha ka tshohanyetso, ya sebediswa, kapa ya fumanwa ka tsela e sa dumellwang, ya fetolwa, kapa ya pepeswa. Ho eketsa moo, re fokotsa phihlello ya tlhahisoleseding ya botho ya hao ho latela ditlhoko tsa ho tseba tsa kgwebo, mme re tlamehile ho boloka lekunutu.

Phetiso ya tlhahisoleseding ho Tlola Meedi:

Maemong a mang, batho ba bang bao re ba sebedisang ho fana ka ditshebeletso ho wena ba ka ba ka ntle ho naha ya heno (mohlala, tshebeletso ya lerung, tsamaiso kapa seva). Ho ka hlokahala phetiso ya tlhahisoleseding ya botho ya hao ho tlola meedi ya Afrika Borwa; leha ho le jwalo, e tla ameha feela ha kgwebo e hloka tshebetso ya mose ho moedi. Maemong a jwalo, tlhahisoleseding ya botho e tla fetiswa feela ho ya ka ditlhoko tsa POPIA le/kapa ditlhoko tse ding tsa molao tsa Afrika Borwa, le/kapa haeba monga datha a dumela ho fetisetswa ha tlhahisoleseding ya botho ho motho e mong naheng e nngwe. Ketsahalong ya phetisetso ya tlhahisoleseding ya botho naheng e nngwe, re tla nka mehato e hlokahalang ho netefatsa hore tshebetso ya tlhahisoleseding ya botho e etswa ho latela melao ya sebaka seo tlhahisoleseding e fetisetswang ho sona le/kapa hore melao e tlamang ya dikgwebo kapa ditumellano tse tlamang di teng tse fanang ka maemo a tshireletso boemong bo lekaneng ho latela dintlhatheo tsa POPIA.

E nngwe ya tlhahisoleseding ya botho ya hao e bokellwang ntle le tumello e bokellwa ke batho ba bang bao theknoloji ya bona re e sebedisang ho etsa hore websaete e sebetse le ho fumana manollo tlhahisoleseding ya websaete. Ba bang ba batho bana ba tla ba ka ntle ho meedi ya Afrika Borwa, mme tlhahisoleseding ya botho ya hao e tla bolokwa ka ntle ho meedi ya Afrika Borwa. Re sebedisa manollo ya websaete, mme tlhahisoleseding e bokelletsweng ka motho enwa e mong e tla bolokwa ho diseva tse sebediswang ke mofani wa manollo ya websaete.

Mokgwa wa ho tletleba:

Haeba o na le dingongoreho mabapi le kamoo amandla.mobi e sebedisang le ho sebetsana le tlhahisoleseding ya botho ya hao kateng, o ka romela tletlebo ho rona ho [email protected]. Ofisiri ya Tlhahisoleseding ya rona e tla sebetsana le ditletlebo le ho tsamaisa tshebetso.

Haeba o bona eka tletlebo ya hao ha e so rarollwe ho o kgotsofatsa, o ka boela wa kenya tletlebo ho Molaodi wa Tlhahisoleseding.

Dintlha tsa rona, hammoho le tsa Molaodi wa Tlhahisoleseding, di hlalositswe ka tlase.

Dintlha tsa rona tsa ho ikopanya:

Haeba o na le potso, o kotjwa ho romella imeile ho: [email protected]

Ofisiri ya Tlhahisoleseding ya Rona: Paul Mason

Aterese ya imeile: [email protected]

P.O. Box: PostNet Suite 6

Private Bag X4

Braamfontein 2001

Johannesburg

South Africa

Nomoro ya Mohala: 087 822 2956 (nomoro ya ofising)

Tataiso ya Molao wa Kgothaletso ya Phihlello ya Tlhahisoleseding (PAIA)

Dintlha tsa ho ikopanya tsa Molaodi wa Tlhahisoleseding:

O na le tokelo ya ho kenya tletlebo ho Molaodi wa Tlhahisoleseding wa Afrika Borwa. Sheba dintlha tsa ho ikopanya tsa Molaodi wa Tlhahisoleseding ka tlase.

Aterese ya Sebaka: Woodmead North Office Park,

54 Maxwell Drive,

Woodmead,

Johannesburg

Aterese ya Poso: P.O. Box 31533, Braamfontein, Johannesburg, 2017

Websaete: https://inforegulator.org.za/

Imeile ya Ditletlebo ya POPIA: [email protected]  

Imeile ya Ditletlebo ya PAIA: [email protected] 

Imeile ya dipotso e akaretsang: [email protected]